Roniştişo 3. yê Dewaya Kobanê yeno kerdene ke dewa de hemserekê verênî yê HDPyî, endamê Rayberdişê Merkezî û îdarekarê HDPyî zî tede 28ê ci tepişte 108 sîyasetmedarî yenê muhakemekerdene.

Avûkatan reyde wekîlê HDPyî,  Delegasyonê Tirkîya yê Yewîya Ewropa, temsîlkarê dîplomatîkî yê welatanê Yewîya Ewropa mehkeme teqîb kenê.

Selahattîn Demîrtaş û Sebahate Tuncel tewrê mehkeme nêbîyî.

Destpêkê roniştişî de avûkatan heyetê mehkeme ra waşt ke wa xo apey bianco. Avûkate Cemîle Turhalli Balsak vat: ''Eke şima xo apey nêgêrê dosya bierşawê mehkemeya berzêre. Muhakemekerdişo xoser şertê muhakemekerdişê edîlî yo. Mehkemeya teregfîre ya winasêne nêeşkena biewna na dewa ra.''

Avûkate Cemîle bira ke Mehkemeya Heqanê Merdiman a Ewropa derheqê Selahattîn Demîrtaşî de daye viste vîrî û vat: ''Şima senî eşkenê ma ra bipawê ke ma şima ra bawer bikerê ke rewşa tepiştişê ey goreyê huqûqî ya?''

Dewa pê pawitişê avûkatan dewam kena.