Dêrsimijê ke Ewropa de ciwîyenê, seba şarê Dêrsimî yew beyanato hempar o bi sernuşteyê “Şarê Dêrsimî rê Vengdayîş” weşana. Beyanat de ame waştene ke wa şarê Dêrsimî paştdarîye bido namzedanê HDP’yî.

Beyanato hempar de bale ancîyaye weçînayîşê 31’ê Adare ser û wina ame vatene: ”Nika wextê peyser girewtişê çîyê ke Dêrsimijan ra ameyê girewtene yo. Ma wazenê ke Dêrsimijî seba ziwan, îtîqat, kultur, tarîx û ameyeyê xo şorê sindoqan ser û reyanê xo bidê namzedanê HDP’yî.”

 ‘Îradeyê şarê Dêrsimî çinê ame hesibnayene û qeyûm tayînê şaredarîye bi’

Beyanat de ame vatene ke “Ma do tena serekê şaredarîyan nêçînê we: ma do qeyûman bierşawê û bi nê qeydeyî kayê înan ê qilêrinî berhewa bikê” û beyanatî wina dewam kerd.

“Ma vera yew weçînayîşê neweyî şonê. Tirkîya û Kurdistan de 57 mîlyon weçînitoxî do 31’ê Adare de şorê sandoqan ser û îdarekaranê herêman weçînê. Weçînitoxî do demokrasî û zorbazîye ra yewî tercîh bikerê. Cografyaya ma, destê Enqere ra zaf ante û helbet demêko winasî de, nê weçînayîşî de hesabê zaliman, zulimkaran bivîno

Bajarê ma yo pîroz Dêrsim de, îradeyê şarê ma çinê ameye hesibnayene û qeyûm ame tayînkerdene. Hemserekî û xebatkarê şaredarîye rehîn ameyî girewtene. Ecdadanê verênan tabelaya Dêrsimî naye ro û tabelaya Tuncelîyî şaredarîya ma ra darde kerde û bi destanê xo yê bronzî dest kerd bi talanê Dêrsimî. Bi KHK’yî şarê ma ra xeylî kesî kar ra ameyî eştene. Polîtîkayê surgunkerdişî kerdî dewre û bi nê qeydeyî xeylî şarê ma zî Dêrsim terk kerd. Daristanê ma ameyî vêşnayene, zîyarê ma ameyî bombardumankerdene û şarê ma ame qetlkerdene.

Kenê ke dest binê estbîyayîş û îradeyê ma ser

Dewlete şaredarîyê destê HDP’yî îşxal kerdî û nika zî seba ke nê şaredarîyan xo dest de pê bigîro, bi pêro hêzanê xo têgêrêna. Senî ke vizêrî ma rê, welatê ma rê, bajarê ma rê xirabîye kerda, ewro zî kenê ke ziwanê ma, kulturê ma, îradeyê ma çin bikerê. Bajarê ma 3 dewrî, dizdî û nêheqî ra dûrî, hetê Yewîya Hêzî ya Şorişgêre ra ame îdarekerdene û xeylî erjê xo yê muhîmî peyser girewtî û destkewteyê şarê ma bîyî zêde. Dêrsim bi sey bajar û bi wayîrê park, meydanan ê bi nameyê Însanê Kamilî.

Şaredarîye bi ferasetê cinî û komelkîye ameyêne îdarekerdene û şaredarîye de rant amebi qedênayene. Ma pêrune de hêvîyê agêrayîşê welatî awan bî, la ewro ma reyna agêrayê rojanê 38’î. Dolimêna ferasetê zorbazîye yo ke Dêrsimî qebul nêkeno dest na bi welatî ser û nameyê bajarî kerd Tuncelî. Nameyê înan çi beno bibo ferq nêkeno, çunke pêro parçeyê yew qumaşî yê Enqere yê. Pêro neslê zîhnîyetê xesp û talankerîye yê. Ganî ma xo vîr ra nêkerê ke se serra peyêne de nînan zulimî ra dot ma rê çîyêk nêardo.

31’ê Adare de ma do şorê sindoqan ser û reyanê xo bidê HDP’yî

Bajarê ma de xizmetî heta nika tena wextê namzedanê HDP’yî û namzedanê Yewîya Hêzî ya Şorişgêre ra ameyê kerdene û seba ke nê xizmetî dewam bikerê, ma zî paştdarîye bidê. Bêrê ma dest bidê ci, şans bidê ci ke wa ziwanê ma, îtîqatê ma, kulturê ma û nasnameyê ma yo tarîxî vîndî nêbo. Ma tena serekê şaredarîye nêçînenê we, ma do qeyûman bierşawê û kayê înan ê qilêrinî bixerepnê. Ma her çiqas ke Dêrsimî ra dûrî de bê zî, zerrîya ma û aqlê ma Dêrsim de yo. Bi na bawerîye, ma şarê Dêrsimî ra wazenê ke seba ziwanê  xo, seba kultur, îtîqat û tarîxê xo şorê sandoqan ser û reyanê xo bidê HDP’yî.”

Kesanê ke îmza eşta binê beyanatî wina yê:

Saîd Baksî (Hunermend), Ozan Zamanî (Hunermend), Haydar Işik (Nuştox), Ozan Emekçî (Hunermend), Songul Erol Abdîl (Sereka Şaredarîya Dêrsimî ya kane), Huseyîn Tunç (Hetkarê Hemserekîya Şaredarîya Dêrsimî yo kan), Ferhat Tunç (Hunermend), Hayrî Ateş (nuştox), Duzgun Denîz (Rojnameger), Kazim Temurlenk (Rojnameger), Îsmaîl Ozen (Boksor), Erdal Er (Rojnameger), Guler Yildize (Rojnamegere), Ferda Çetîn (rojnameger), Alîcan Kaya (Derhêner), Nazli Kuluye (Rojnamegere), Alî Baran (Hunermend), Çetîn Oraner (Hunermend), Azîz Nadî Bal (Grafiker), Şîyar Munzur (Hunermend), Hasan Saglam (Hunermend), Alî Çatakçi (Serekê Cemîyetê Newe ra Înşakerdişê Dêrsimî), Ayhan Yabatu (Temsîlkarê Cemîyetê Newe ra Înşakerdişê Dêrsimî yê Brukselî), Şukru Yildiz (Rojnameger), Beser Şahîne (Hunermende), Ozan Serdar (Hunermend), Dîyar (Hunermend), Denîz Demane (Hunermende), Cemo Dogan (Hunermend), Bîrsel Ocak (Hemserekê/a Aveg-Komî), Hakan Aday (Rojnameger), Îlhamî Erdogan (Karîkaturîst), Şukru Duman (Sîyasetmedar), Memlî Gungor (Însîyatîfê Azadîya Dêrsimî yê Berlînî), Mustafa Şen (Endamê HR’yî yê Cemîyetê Newe ra Înşakerdişê Dêrsimî), Fadil Ozturk (Şaîr), Can Kasapoglu (Nuştox), Burhanî (Hunermend), Kîvrem Erdal (Hunermend), Kamer Soylemez (Şaîr), Hulya Yere (Hunermende), Îmam Canpolat (Aktîvîstê Haştîye), Velî Kaya (Hemserekê FEDA’yî), Bedran Yildirim (Hemserekê FEDA’yî), Pîr Riza Yagmur (Serekê Heyetê Pîran ê FEDA’yî), Hasan Taş (Karsaz), Alî Guler (pêşkêşvanê TV’yî), Suleyman Ateş (Perwerdekar), Dersîm Dagdevîren (Doktor), Xemgîn Bîrhat, (Hunermend), Alî Dagdevîren (Nuştox), Eylem Kahramane (Nuştoxe), Cafer Tar (Nuştox), Fadîme Ergune (Aktîvîste), Şenol Şîmşek (Muhasebekar), Nîhat Kaygalak (Avukat), Erdogan Yalgin (Nuştox- Cigêrayox), Umur Hozatli (Nuştox), Turan Tekîn (Hemserekê Komela Hemverê Qirkerdişî ya Dêrsimî) , Huseyîn Yamaç (Rojnameger), Fîlîz Denîze (Rojnamegere), Serdar Karakoç (Rojnameger), Suleyman Sever (Kurdische Gemeinde Stuttgart e.V), Gulten Aydine (Sosyologe), Metîn Cansiz (Sîyasetmedar), Denîz Nakî (Futbolkar), Lutfu Dogan (Karsaz), Sena Dêrsimî (Hunermende), Erdogan Surgeç (Rojnameger), Fusûn Erdogane (Rojnamegere) Meral Kuçuke (Pêşkêşvana TV’yî), Hanîfe Çelîke (Aktîvîsta Heqanê Cinîyan), Haydar Munzur (Sîyasetmedar), Bira Zordag (Sîyasetmedar), Ava Neşe Kalp (Nuştoxe), Abîdîn Polat (Rejîsor), Nursel Orhane (Pêşkêşvana TV’yî), Alî Ekber Aslaner (Îdarekarê Cemîyetê Newe ra Înşakerdişê Dêrsimî ), Çetîn Gurer (Akademîsyen), Ozan Comert (Hunermend), Tuncay Dogan (Rojnameger), Mehmet Taşkale (Endamê Heyetê Rayberdişî yê Serekê Cemîyetê Newe ra Înşakerdişê Dêrsimî), Ercan Cengîz (Şaîr), Mete Kalman (Nuştox), Zarîfe (Hunermende), Zîya Ulusoy (Nuştox), Alî Haydar Gurbuz (Şaîr), Bîrgul Rova (Rojnamegere), Zabît Îltemur (Sîyasetmedar), Mehmet Ornek (Sîyasetmedar), Selda Yere (Karsaze), Rozerîne (Hunermende), Ezelî Doganay (Hunermend), Hamît Baldemîr (Nuştox), Hayrî Argav (Nuştox), Muslum Polat (Hunermend), Şengul Pake (Hunermende), Înan Gezîcî (Rejîsor), Hasan Ozan (Nuştox), Munever Îltemure (Katîvîsta Cinîyan a HDK’yî), Pîr Huseyîn Bîrlîk (FEDA), Cemal Turan (Rojnameger), Mehmet Alî Dogan (Sosyolog), Mustafa Yildirim (Sîyasetmedar), Suleyman Bal (Karsaz), Denîz Bîlgîn (Nuştox), Meral Çoşkune (Hunermende), Înan Ozel (Rojnameger), Halîl Ateş (Endamê Meclîsê Pêroyî yê Bajartî yo kan), Ayfer Kiliçe (Hemsereka DAKME’yî ya Dortmundî), Kasim Karaca (Tornê Seyît Rizayî), Ercan Ayboga (Muhendîsê Derûdorî), Huseyîn Yildiz (Çalakwanê grevê vêşanîye), Şahîn Kuçuk (Pêşkêşvanê Radyoyî), Bayram Balci (Derhêner), Dogan Çelîk (Hunermend), Komela Hemverê Qirkerdişê Dêrsimî,