Herêmanê Sîbîrya û Saratovî yê Rûsya de qerarê Amerîka yê hemverê rayberanê Têgêrayîşê Azadîye yê Kurdan ame protestokerdene.rê

Temsîlkarê kurdan ê herêma Çelyabînskî ard ziwan ke no qerar dewamê komploya mîyanneteweyîye ya hemverê Rayberê Şarê Kurdî û Têgêrayîşê Azadîye yo. Temsîlkaran ra Sêvdîn Davoyî û Lena Tîtal qiseykerdişanê xo de vat tu qîymetê nê qerarî çinyo.

Çalakîyêka protestoyî ya bîne zî herêma Saratovî ya Rûsya de amî viraştene.

Kurdê ke qezaya Yerşovî ya herêma Saratovî de ameyî têhet bi mîtîngêk qerarê Amerîka yê hemverê rayberanê PKKyî protesto kerd. Temsîlkaranê ke mîtîng de qisey kerd ard ziwan ke no qerar yeno manaya paştîdayîşê dewleta Tirkîye û veng da dewleta Rûsya ke hemverê nê qerarî de bêveng memano û paştî bido mucadeleyê kurdan.

'ŞAR DO VENG VEJO'

Çalakîye de vajîya ke tesaduf nêyo no qerar serragêrayîşê 40. yê PKKyî de gîrîyayo, berhemê yew konseptî yo û do no konsept hetê şarî ra veng bêro vetene.