Komara Xosere ya Adigeyî û bajarê Çelyabînskî yê Federasyonê Rûsya de rayberîya dezgehanê Kurdan de tecrîde serê Rayberê Şarê Kurdî Abdullah Ocalanî ame protestokerdene.

ADIGEY

Otonomîya Kulturê Kurdî ya Adigeyî ya Komara Xosere ya Adigeyî de, çalakîya grevê vêşanîye ya ke hetê organîzasyonê Cinîyanê Kurdî yê Bêrîtane ra ameyîebî destpêkerdene, dewam kena û ci rê paştîdayîş zî zêdîyeno. Bi nameyê çalakwanan ame vatene ke “Ganî ma faşîzmê Tirkî bindest bikerîme û Rayberîya xo azad bikerîme. Na berpirsîyarî û wezîfeyê heme Kurdanê bianorî yo.

ÇELYABÎNSK

Rayberîya Komela Cematê Êzîdîyan de bajarê Çelyabînskî de tecrîd ame protestokerdene. Kurdê Çelyabînskî yê ke Merkezê Kulturê Kurdî yê Çelyabînskî ameyî têhet, tecrîde serê Ocalanî protesto kerd.

Endamê Kongreya Neteweyî ya Kurdistanî (KNK)  Sevdîn Azadî yo çalakîye de qisey kerd  vera tecrîdî reaksîyon ramot û vat: “Ma paştdayîş danîme grevê vêşanîye yo ke seba wedaritişê tecrîdê serê Rayberîye ameyo destpêkerdene. Dewleta Tirkî seba qirkerdişê Kurdan tewr sînoran nas nêkena. Ganî şarê ma kayanê dewleta Tirkî bivîno û têkoşînê xo xurt bikero.”