Hemserekê Pêroyî yê HDPyî  Mîthat Sancarî  derheqê operasyonê qirkerdişê vera HDPyî de Merkezê Pêroyî yê Partîye de eşkerayîya çapemenî daye.

Sancarî vat: ''Operasyonê qirkerdişê sîyasîyî bi hawayêkê sîstematîkî 5 serrî yo dewam kenê. No operasyon sey qerarê hukmî bêro ramojanyene zî  eslê xo de qerarêko sîyasîyo. Hukm bîyo sey çuyeyê destê îqtîdarî. Çend vînî kenê hende hêriş kenê. Nê operasyonî bi bahaneyê qewimîyayîşanê 6-8ê Teşrîna Verêne yenê kerdene. La berpirsîyara nê qewimîyayîşan partîya ma nîya. Înanê ke hezîmetê vîjnayîşê 7ê hezîrane xo vîrî ra nêkerd, berpirsîyarî ê yê. Hêrişan merheleyanê cîyayayan de bi bahaneyanê cîya cîyayan dewam kerd. La HDPyî çok nêda, têkoşîn canêverda. No têkoşîno qerardar terso tewr pîl ê îqtîdarî yo. Çunku îqtîdar zano ke atktoro esas o ke înan rê dano vînîkerdene HDP yo.

No heriş vera Deklarasyonê Vengdayîşê Haştîye yê ma cewabê îqtîdarî yo. No operasyon têna vera HDPyî nîyo. Şexsê HDPyî de sîyaseto demokratîke û têkoşînê antî faşîstî hedef yeno girewtene. Coka ganî hetê heme hetanê ke vera faşîzmî yê ra cewabêko xurt bêro dayene. Îqtîdar pê bêvengkerdişê HDPyî wazeno ke muxalefet û komelî bitersno. HDP hîş nêkeno, do mekero. Bi na wesîle ma reyna semedê blokê antî faşîstî veng danê. Bêrê ma pêro pîya têkoşînî xurtêr bikerê û nê îqtîdarî bidê war. Ma do vera nê hêrişan peyser game meerzê. Têkoşînê HDPyî do demokrasî û haştîye bîyaro. Muhatabê me dozger nê îqtîdaro sîyasî yo.''