Hemserekanê Pêroyîyan ê HDPyî Pervîne Buldan û Mîthat Sancarî seba turê diyînî yê weçînayîşê serekkomarîye raya xo daye.

Mîthat Sancarî qezaya Çankaya ya Anqara de Dibistana Aytene Şaban Dîrî de raye daye. Sancarî dima rojnamegeran de qisey kerd û vat: ''Wa her kes qetî şoro sindoqan ser. Çunke no teyna weçînayîşê serekkomarîye nê weçînayîşê ameyoxê ma yo. Wa her kes wayîrê sindoqan zî vejîyo. Siba ma do rojêka newîye rê haya bibê.''  

Hemsereke Buldane zî qezaya Bakirkoyî ya Îstanbulî de Dibistana Metîn Kolukî de raye daye. Wekîle Zuleyha Gulum û Hemsereka HDPyî ya Îstanbulî Îlknure Bîrol zî Buldane de şîyî sindoqe ser. Buldane dima ke raya xo daye eşkerayîye daye û vat: ''Ez hêvî kena ke netîceya ewroyîne do biba wesîleya demokrasî, haştî, rehetî û aramîye. Rayêke zî eşkera her çî bivurna. Coka wa şarê ma şoro sindoqan ser.''