Sîyasetkaro Kurd Mustafa Sarikayayo ke 17ê Kanûne ra tewrê grevê vêşanîye yê bajarê Strasbourgî bîyo derheqê prosesî de qisey kerd.

‘HEM ÎHTÎMALÊ SERFIRAZÎ ESTO, HEM ZÎ MA RÎSKANÊ PÎLAN DIR EŞKENÊ KE BÊRÊ TÊRÎ’

Sarikayayî vat: “Kurdî hem eşkenê serfiraz bibê hem zî rîskanê pîlan dir bêrê têrî. Ma bi azadkerdişê Rayberîya xo û bidestfînayîşê statu yê Kurdistanî fînalêk wazenê. Dişmen hemverê nê cehdanê ma de hêrişanê pîlan keno la ma sey şaro Kurd xo rê kerdo amac ke Rayberîya xo dir biresê serfirazî.”   

 ‘AZADÎYA RAYBER APOYÎ Û STATUYA KURDISTANÎ KEWTÊ TÊZERE’

Sarikayayî wina dewam kerd: “Seba ke azadîya Rayber Apoyî û statuya Kurdistanî kewtê têzere Îmrali bi merkezê hêrişan. Ganî dêsê Îmraliyî bêrê rijnayene la sere de tecrîd bêro wedartene. Mucadele ma ra nê wazeno.

Ganî her kes paştî bido grevanê vêşanîye û tede ca bigîro. No tenya nêno manaya rijnayîşê sîstemê faşîstî yê dewleta Tirkî, ganî sîstem bi temamî bêro şiktene û netîce bêro girewtene.”   

 ‘MA WEXTÊ SERÊ ŞODIRÎ CIWÎYENÊ’

Sarikayayî vat: “Ma nika ‘şerê peyênî’ ciwîyenê. Ma nika wextê serê şodirî ciwîyenê. No zî yeno na mana ke eke şima na hemleya hêrişî bişiknê serfirazî qetî ya. Çîyo tekane ke ma bieşkê nê prosesî de bikerê xoverdayîş o. Na yewe ra ganî her kuçe û her ware bibo wareyê xoverdayîşî.” 

 ‘PROBLEM DO BI VAKURÎ HAL BIBO’

Sarikayayî peynî de nê vatî: “Ocalanî vatêne ke azadîya Kurdan de rolê Vakurî bewlîkerdox o. Naye ra eke do problem hal bibo ancax bi Vakurî hal beno. Cayo ke tewr zaf wayîrê kulturê şorişgêrî yo Vakur o.”