Zîndanê Îmraliyî de Rayberê Şarê Kurdî Abdullah Ocalanî, Omer Hayrî Konar, Hamîlî Yildirim û Veysî Aktaşî ra 38 mengî yo xeberêke nêna girewtene.

Bi bahaneya ''cezaya dîsîplînî'' ancî qedexeyê pêvînayîşî yê hîrê mengan dîya Rayberê Şarê Kurdî Abdullah Ocalanî û tepişteyanê bînan.

Mehkemeya Înfazî ya Bursa muracatê avûkatan û keyeyan rê cewab da û dîyar kerd ke 28ê adare de Serekîya Heyetê Dîsîplînî cezaya 'dîsîplînî' daya. Ame parekerdene ke ceza 12ê nîsane de qetî bîya.

Avûkatanê Rayberê Şarê Kurdî pare kerd ke proses ancî bê xebera înan ameyo caardene û dosya înan rê nimîyaya. Avûkatan vat ke ê do ceza rê îtîraz bikerê.