Namzedê Şaredarîya bajarekê Dugnukî yê DEM Partî Aşane Ateşa 21 serre û Agît Çetîn ê. ra Aşane Ateşa 21 serre namzedanê şaredarîyan ê Tirkîya ra aya tewr ciwan a.

Namzedan ANFyî rê qalê armancanê xo kerd.

Aşane da zanayene ke a mîyanê komelêkê serdestîya camêrdan de bîya namzede û vat: ''Ez wazena ke pêro cinî û ciwanî wa paştî bidê partîya ma. Ma do şaredarîya xo de xebatanê serê azadîya cinîyan aver berê û seba heqanê cinîyan têkoşîn bikerê. Ma do pêro beşanê komelê xo rê xizmet bikerê. Ma venga şarê xo danê ke sindoqanê xo wa bipawo.  Şarê ma do weçînayîşanê 31ê adare de cewabê tewr pîlî bidê polîtîkayanê qirkerdişî. Şarê ma wa bi nê ferasetî şoro serê sindoqan.''

Agît Çetînî ard ziwan ke Dugnuk heta nika destê sîstemî de bîyo la ê do na rewşe bivurnê. Çetînî vat: ''Ma wazenê ke weçînayîşan de sîstemê qeyûman biqedînê. Meseleyê ma zaf ê. Seba ke nê meseleyan çareser bikerê projeyê ma yê serê binawanîye est ê. Ma venga pêro şarê xo danê ke 31ê adare de wayîrê sindoqan vejîyo.''