Avûkat Cemal Demîrî derheqê tecrîdê vera Rayberê Şarê Kurdî Abdullah Ocalanî de ANFyî rê qisey kerd.

Demîrî pare kerd ke nimûneyêka Îmraliyî cayê bînî de çin a û vat: ''Zîndanê Îmraliyî de pêro heqê merdiman yenê binpaykerdene. Qet yew qanûn uca de nêno caardene. Astengkerdişê pêvînayîşan bahaneya 'rewşa hewayî hol nîya, keştîye xera bîya' ra vurîya cezayanê dîsîplînî. Abdullah Ocalan muxatabê çareserîya meseleya kurdan o. Bi mîlyonan kurdî ey sey îradeyê xo vînenê. Abdullah Ocalan bi sembolê şarê kurdî. La dewleta tirke huqûq binpay kena û Ocalanî rê tecrîd ferz kena.''

Avûkat Demîrî vat: ''Prosesê tarîxî ancî mojna ke ganî çareserîya demokratîke ya meseleya kurdan bêra caardene. Na babete binê mesuldarîya neteweyan û sîstemê dinya de ya. Neheqîya ke 100 serrî verî ameya kerdene ganî werte ra bêra wedaritene. Muxatabê çareserîya meseleyan Birêz Ocalan o. Seba ney zî ganî şert û mercê azadîya ey bêrê afernayene.''