Roniştişê dewaya vera Serdar Karakoçî 24ê temmuze de do bêro kerdene û roniştiş de bire do bidîya ke Karakoç do teslîmê Tirkîya bêro kerdene yan ney. Înîsîyatîfê 'Karakoçî rê Azadîye' venga her kesî da ke tewrê roniştişî bibo.
Rojnameger Serdar Karakoç 23yê gulane de waştişê Almanya ser o bi bahaneya madeya 129byî Holanda de tepişîyabi. Karakoç 14ê hezîrane de bi kefaletê qasê panc hezar euroyî vera dîyabi.
Roniştişê dewaya vera Serdar Karakoçî 24ê temmuze de do bêro kerdene û roniştiş de bire do bidîya ke Karakoç do teslîmê Tirkîya bêro kerdene yan ney.
Înîsîyatîfê 'Serdar Karakoçî rê Azadîye'
Serdar Karakoçî pare kerd ke tarîxê dewleta tirke ya faşîste bi qirkerdişan pirr o û bale ante ser ke ewro bi hezaran kurdî tedayanê dewleta tirke Ewropa de multecî bîyê. Karakoçî vist vîrî ek Almanya o 2018 de zî madeya 129b ra amebi muhakemekerdene û vat: ''Almanya 7 serran ra dima derheqê mi de bira tepiştişî daye. Eke sûcê mi hende giran o çira heta nika Almanya ez nêtepişta? Almanya babeta meseleya kurdan de dewleta tirke ra zafêr polîtîkayanê zorbazîyan ana ca. Bi hişmendîya dewleta tirke Almanya nêzdîyê na mesele bena û kurdan krîmînalîze kena.''
Înîsîyatîfê Serdar Karakoçî rê Azadîye venga pêro şarê kurdî, şorişgêran û demokratîkan da ke 24ê temmuze de tewrê roniştişê Karakoçî bibê, vera polîtîkayanê krîmînalîzekerdişî tewirê xo bimojnê û paştî bidê Karakoçî.
Roniştiş saete 13.30 de do dest pêbikero.
Adresê cayê roniştişê dewa wina yo:
"Parnassusweg 280
1076 AV
Amsterdam."
