TÎPî seba Wekîlê înan ê Hatayî Can Atalayo ke zîndan de yo, 36 şaristanan de û 84 cayan de çalakîye kerde û waşt ke wa Atalay vera bidîyo. 

Endamanê TÎPî Îstasyonê Haydarpaşayî yê Îstanbulî de eşkerayîye daye û waşt ke peynîya na bêhuqûqîye wa bêra ardene.

Polîsan wextê eşkerayîye de dormeyê çalakîkeran girewt. Dima eşkerayîye ameye wendene.Eşkerayîye de dîya zanayene ke rixmo ke sey wekîlî ameyo weçînayene Can Atalay hema zî zîndan de tepişîyeno. Eşkerayîye de venga mehkeme, dozger û selahîyetdaran dîya ke wa cade Atalay vera bidîyo.

Çalakîye bi sloganan qedîyaye.