Sere de Çewlîg pêro şaristanan de xebatê weçînayîşan ê DEM Partî dewam kenê. Şar û esnafan eleqeyêkê pîlî mojna namzedanê DEM Partî û pare kerd ke ê do namzedanê xo de rejê qeyûman bişawê.

Çewlîg de bi beşdarîya Namzedanê Şaredarîye Çîçeke Ariş û Aydin Burçunî, Wekîla Mêrdînî Salîha Aydenîze û Wekîlê Çewlîgî Omer Faruk Hulakuyî kuöeyê Înonuyî û Meydanê Beşyolî de esnafî ameyî zîyaretkerdene. Zîyaretan de ame vîrvistene ke 3yê adare de (ewro) Tuncer Bakirhan do Çewlîgî zîyaret bikero. Dima dewa Sûmsorî de namzedan dewijî zîyaret kerdî û goş na meseleyanê cinîyan ser.

Amed de Namzeda Hemserekîya Şaredarîya Sûrî Fatma Gulan Onkol, Adnan Orhan û endamanê DEM Partî xeylêk taxî zîyaret kerdî. Fatma Gulane zîyaretan de venga pêro cinîyan da ke beşdarê çalakîya 8ê Adare ya Amedî bibê ke do meydanê Îstasyonî de bêro kerdene.

Wan de bi beşdarîya Hemserekê DBPyî Keskîn Bayindirî, namzedanê Şaredarîya Wanî yê DEM Partî Neslîhane Şedal û Abdullah Zeydan Artemêt de buroyê weçînayîşî bi slogananê sey Bijî Serok Apo", "Şehîd namirin", "Kurdistan wê ji faşîzmê re bibe gor", "Bi berxwedanê em ê bi ser bikevin", "Ciwan cangoriya Apo ye" û "Jin, jiyan, azadî" ameyî akerdene. Bayindirî tîya de îfade kerd ke ê do qetî ser bikewê û qeyûman bişawê.

Semsûr de bi beşdarîya Namzedanê Şaredarîya Semsûrî yê DEM Partî Bahattîn Bîlgîn û Turkane Erekenek esnafî ameyî zîyaretkerdene.

Mûş de bi beşdarîya Wekîla DEM Partî Sumeyye Boz û namzedanê Şaredarîya Milazgîrî Gulîstane Ozel û Ahmet Kenan Turkerî esnafî ameyî zîyaretkerdene. Zîyaretan de esnafan ard ziwan ke ê do şaristanê xo qeyûman ra pakî bikerê.

Meletî, Dîlok, Îzmîr, Mersîn de zî buroyê weçînayîşî bi beşdarîya namzedan ameyî akerdene.