Kampanyaya ke Twîtter de şewna bi saeta Ewropa 19.00 de do bêro destpêkerdene, yeno hedefkerdene ke heme dinya grevê vêşanîye ra hayîdar bo. Bitaybetî bale ancîyena rewşa Leyla Guvene ser.

Vilaweka vengdayîşî ya ke bi Kurdkî, Îngîlîzkî û Tirkî ameye hadrekerdene de dîya zanayene ke Leyla Guvene merhaleya tehluke de ya û seba ke CPT û Konseya Ewropa waştişê çalakwananê grevê vêşanîye bica bîyarê, 6ê Çile de medyaya sosyalî de do kapmpanyayêk bêro destpêkerdene.

Kampanyaya Hashtagî do hesabê @hungerstrikes î ra bêro destpêkerdene.

Çalakîyanê grevê vêşanîye yê bêdem-bêagêrayîşî de rewş krîtîk o. Grevê Guvene roja xo ya 59ine, ê Hêwlerî roja xo ya 46ine, ê Strasbourgê Fransa û Gallerê Brîtanya roja 20ine û yê zîndanan roja xo ya 21ine de yo.