Rêxistina Partîya Demokratîke ya Şaran (HDP) ya Riha 1ê Êlule Roja Haştîye ya Dinya de merkezê bajarî de rayraşîyayîşêk organîz kerdbi. Derheqê 29  sîyasetmedaranê ke tewrê na çalakîye bîyî de dewa ameye akerdene.

Hemserekê Pêroyî yê DBPyî Bayindir Keskîn û Hemsereka HDPyî ya Riha Nergize Çigdem Karaçelili zî mîyanê nê sîyasetmedaran de yê.

Îdîanemeyo ke derheqê sîyasetmedaran de ame amadekerdene Mehkemeya Cezaya Girane ya 2. ya Riha de ame qebulkerdene. Rixmê qedexeyê walîtîye semedê haştîye rayraşîyayîş sey sebebê dewa ame ramojnayene.

Îdîaname de ame vatene ke çalakîye de seba ke sloganê ''Cinî cuye azadîye'' û ''Biciwîyo haştîye'' ameye eştene ge ge grûbe ameye vindarnayene la rixmê nayî înan çalakîye rê dewam kerde û qedexeyê çalakîyan binpay kerd.

Nameyê ke dewa de ameyî hedefgirewtene wina yê: Abdullah Polat, Ahmet İstek, Ali Çoban, Bekir Karakeçili, Bêrîtane Sayan, Cahide Udum, Emine Çetiner, Fayik Taşkaya, Hasan Yildiz, Hatice Goktepe, İsmail Kaplan, İsmail Karadagli, Kelime Bali, Keskin Bayindir, Leyla Akgul, Lutfu Hazer, Muhammet Bektaş, Mahmut Binici, Mahmut Dagtekin, Mehmet Koşti, Mehmet Ogur, Mehmet Ferit Tamga, Mikail Gozek, Nergize Çigdem Karakeçili, Nurullah Kakız, Omer Yildirim, Selma Ateş Yilmaz,  Sitki Dursun û Ulaş Çoban.