Operasyonê dewleta tirke yo ke 23ê nîsane de vera Zap, Metîna û Avaşînî dîya destpêkerdene dewam keno.

Koyê Cûdîyî ra heta Heftanan î Metîna xeta sînorî de operasyono ke yeno rayraberdene de rojanê peyênan de xeylêk leşkerî ameyî kiştene. Goreyê xeberanê ke çimeyanê cayîyan ra ameyî girewtene herême de pêkewtişê tewr giranî yê çar aşman yenê ciwîyayene. Metîna de warê Zîndara Kestel, Mirorê, Hirorê û Derarê açaryayî cayanê pêkewtişan.

Çimeyanê cayayîn da zanayene ke 17ê tebexe ra nata pêkewtişî giranêr bîyî û vat bado ke mergê dewleta tirke û çeteyanê ci zêdîyayî artêşa tirke qorîcîyan şawena waranê şerî.  Qorîcî ke merkez û qezayanê Şirnexî ra ameyî pêserkerdene erzîyenê vernî. Dîya zanayene ke pîya bi xorîbîyayîşê pêkewtişan hûmara qorîcîyanê ke îstîfa kerdî zêdîyayî. Çar aşmî yo 200yî ra zafêr qorîcîyan îstîfa kerd. Çimeyanê cayîyan da zanayene ke herême de vengê topan û têgêrayîşê helikopteran zî zêdîyayo.