Multecîyo kurd Îbrahîm Ergun 17 mengan Merkezê Tepiştişî yê Korinthî yê Yunanîstanî de tepişte bi. Ergunî seba ke bira cezaya zîndanî şermezar bikero xo kiştbi. Seba Îbrahîm Ergunî paytextê Yunanîstanî Atina de rayraşîyayîşêk ame kerdene.

Rayraşîyayîş hetê Yewîya Çalakîye ya Yunanîtanî û Merkezê Kulturê Kurdan ê Atina ra ame kerdene û xeylêk komenê antî-faşîstî tewrê çalakîye bîyî. Rayraşîyayîş de fotografê Ergunî ameyî berzkerdene û sloganî ameyî vatene.

Çalakîye de posterê Abdullah Ocalanî û PKKyî zî ameyî akerdene. Dima eşkerayîyêke ameye dayene û eşkerayîye de ame vatene: ''Koçber yan zî multecîyî sûcdar nîyî. Polîtîkayanê cîyekeran û nîjadperestan ra multecî û koçberî yenê cezakerdene. Ganî nê kerdişan ra cade fek bêro veradayene.''