Heyetê ko Wekîlê DEM Partî yê Mêrdînî Kamuran Turan, Komeleya Rojnamageran a Dicle Firat (DFG), Komeleya Huqûqnasan a Seba Azadîye (OHD), temsîlkarê rêxistinanê komelê sîvîlî û keyeyî  tede ca genê, qezaya Silopîya ya Şirnexî de ame têhet rayraşîyayîşo girseyî kerd.

Çalakîye de bi slogananê “Nazım, Cihan rûmeta me ye” û “Şehit namirin” Kuçeyê Sanatî ra heta verê banê DEM Partî yê qeza rayra şi. Badê rayraşîyayîşî eşkerayîye ameye dayene.

Hemserekê DFGyî Selman Çîçekî ard ziwan ke nêdayîşê cenazayan merdimîye nîyo û vat: ''Vera kurdan huqûqê dişmenîye yeno caardene. Cenazayan rê îşkence yeno kerdene. Seba ke verê nê îşkenceyî bêro girewtene heyetê ma hîrê rojî yo sînor de paweno. La selahîyetdarê dewlete bi hewayêkê keyfî destûr nêdeanê cenazayî bêrê.  Ma soz danê ke ma do têkoşînê Nazim û Cîhane yo ke semedê rojnamegerîye da, bidê domnayene.''

Kamuran Tanhan zî îfade kerd teslîmnêkerdişê cenazayan qet yew dîn, bawerî û qanûn de cayê ci çîn o û nê vatî: ''Ma ra vanê sîstemê înan xeripîyayo, rijîyayo. La ma zanê ke çîyo rijîyayo wîjdan û ehleqê înan o. Mabênê Qamişlo-Nisêbîn de 200 metreyî est ê. Eke înan biwaştêne sînor de canazayî dayêne. Ma do caardişê vera kurdan yenê kerdene warê mîyanneteweyîyî de bidê eşnawitene. Mado têkoşînê xo bidomnê.''