Heyeto ke keyeyanê rojnamegeran Nazim Daştan û Cîhane Bîlgîn, Wekîlê DEM Partî ya Mêrdînî Kamuran Tanhan, endamanê OHD, MEBYA-DER û DFGyî ra yeno pê, 3 rojî yo serê sînorî de, Xabûr de yeno vindarnayene. 

Ewro heyet derheqê astengîye de eşkerayîyêka protestoyî bido. 

KamuranTanhanî îfade kerd ke hîrê rojî yo bîlasebeb ê serê sînorî de yenê vindarnayene û vat: ''Pêro xîretê ma bêcewab mendî. Ma do heta ke cenazayanê Nazime û Cîhane bigêrê tîya ra nêşorê.''

Babîyê Nazim Daştanî Mehmet Alî Daştanî ard ziwan ke Wezîrîya Zereyî û Teberî ya Tirkîya vat ke ê cenazayan bigêrê û vat: ''Domanê ma rojnameger bîyî, sivîl bîyî, serê karî de ameyî qetilkerdene. Nêverdanê ke ma cenazayanê înan bigêrê.''

Heyetî venga pêro kesan da ke ewro tewrê eşkerayîya protestoyî bibê.