Avûkatanê Rayberê Şarê Kurdî Abdullah Ocalanî Rezan Sarica, Faîk Ozgur Erol û Abdulmecît Yildirimî  seba ke muwekîlê xo dir pêdîyayîş virazê reya 782ine muracatê Serdozgerîya Komare ya Bûrsa kerd.

Muracatê avûkatan ê 27ê Temmuze 2011 ra heta nika bi behaneyanê sey ‘muxalefetê hewayî‘, ‘xirabîyayîşê kosterî‘, ‘koster tamîr de ya‘, ‘OHAL‘ û tewr peynî zî ‘qanûnê bi Hûmara 5275î yê Derheqê Înfazê Tedbîranê Ceza û Asayîşî‘ ameyî redkerdene.