Merdimanê Ocalanî û hîrê tepişteyanê bînan ê ke îmralî de yê reyna seba pêvînayîşî muracatê Serdozgerîya Komare ya Bûrsa kerd.

Birayê Rayberê Şarê Kurdî Abdullah Ocalanî Mehmet Ocalan, û warisê ci Mazlûm Dînçî seba ke bieşkê şirê Îmrali bi rayîrê avûkatan muracatê Serdozgerîya Komare ya Bûrsa kerd.Tepişteyanê Îmralî ra birayê Hamîlî Yildirimî Polat Yildirim, birayê Omer Hayrî Konarî Alî Konar û waya Veysel Aktaşî Sabîha Aslane bi rayîrê avûkatan muracatê pêvînayîşî kerd.

Tewr peynî de birayê Ocalanî Mehmet Ocalanî 11'ê Êlula 2016'î de Ocalanî dir pêvînayîş viraştbi. 27'ê Temmuze ya 2011'î ra heta nika heme muracatê avûkatan bi behaneyanê cîya cîyayan ameyî redkerdene.