Avûkatanê Rayberê Şarê Kurdî Abdullah Ocalanî Razîye Ozturk, Newroz Uysal, Mazlûm Dînç û Îbrahîm Bîlmezî seba pêvînayîşî Serdozgerîya Komare ya Bursa rê reyna muracat kerd.

Keye, wasî û avûkatanê Rayberê Şarê Kurdî Abdullah Ocalanî pê waştişê ' pêvînayîşê lezabezî' Serdozgerîya Komare ya Bursa rê 10ê adare ra nata 10 reyî muracat kerd.

Rayberê Şarê Kurdî 25ê adare de wexto ke birayê xo Mehmet Ocalanî reyde pê telefonî qisey kerdêne telefon birîya. Rayberê Şarê Kurdî Abdullah Ocalanî nê pêvînayîşî de vat: ''Dewlete xeletî kena.''