Kongreya Awandkerdişê Dêrsimî, Înîsîyatîfê Kurecîkîyan, Federasyonê Komeleyan ê Demokratîkan ê Mereşî (MARDEF), Platformê Kurdanê Anatolîaya Mîyanêne (PKAN) pare kerd ke ê do seba servistişê Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKyî bi her hawayî bixebitê.

Eşkerayîya dezgehan de ame vîrvistene ke tedaya serran ê peyênan ra kurdan zaf dej ant û her parçeyê Kurdîstanî de vera kurdan hêriş û qirkerdişî yenê kerdene. Dezgehan îfade kerd ke tecrîd, asîmîlasyon û qirkerdişî vurîyayî ê halî ke şarê herême binê gefê çinbîyayîşî de yê. Eşkerayîye de ame vîrvistene ke vera elewîyan zî teda û hêrişê pîlî estê. 

Dezgehan pare kerd ke ê  vera nê sîstemê faşîstî tewrê Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKyî  benê û seba ke Hemle ser bikewa destê înan ra çi yeno do bikerê. Dezgehan venga endamanê xo zî da ke tewrê hemle bibê.