Rêxistinê ciwanan ê Anqara Şubeyê Anqara yê ÎHDyî de kom bîyî û înan seba paştdayîşê tepişteyan mektubî nuştî.

Endama Kongreya Demokratîke ya Şaran (HDK) Elîfe Aslan dîyar kerd ke ê seba ke moral bidê tepişteyan kom bîyê û vat: ''Embazê ma bîlasebeb tepişîyenê. La ê teyna nîyê. Ma bi mektubanê xo ney vanê.''

Endama Ciwananê Demokratîkan ê Neweyan (YDG) Emîr Mamîkî vat: ''Seba ke ma paştdayîşê bi embazanê xo pîlêr bikerê û moral bidê înan mektuban nusenê.''

Çalakîyanê Wendekaran ra Rojbîne Turkoglu vat: ''Têkoşînê ma do bi tepiştişî nêqedo. Ma do vera qedexe, tehqîqat, tepiştiş û sereştişan vengê xo berz bikerê.''