Şaristanê Zurichî yê Swîsre de seba Yeni Ozgur Politika şewa paştdayîşî ameye serûberkerdene. 300 kesî tewrê şewe bîyî.

Salona aktîvîte de fotografê şehîdanê çapemenîye ameyî dardekerdene û beşdarî goreyê tedbîranê vera vîrusê Korona têgêrayî. Destpêkê şewe de Mahmut Sevenî qisey kerd û vist vîrî ke kolonyalîstê Kurdîstanî medya sey çeke xebitnenê. Sevenî îfade kerd ke ê bi rayîrê rojnameyê xo yê kurdkî û tirkî xîret kenê ke rîyê raştikênî yê AKP-MHPyî eşkera bikerê. Sevenî seba abonetîya Yeni Ozgur Politika zî veng da û paştdayîş waşt.

Dima Ozan Emekçî vejîya senhe ser û seba wayîrvejîyayîşê rojnameyî veng da. Di deyîranê Ozan Emekçîyî reyde Koma Tîyatroyî ya Zurichî derheqê tedaya vera çapemenîya azade de skeçêk mojna.

Nuştoxanê rojnameyî ra Ferda Çetînî qiseykerdişê xo de bale ante hêrişanê dewleta tirke yê vera Vakurê Kurdîstanî ser. Çetînî hemkarîya PDKyî ya seba dewleta tirke viste vîrî û vat: ''Ê pê Têgêrayîşê Azadî yê Kurdan nêeşkenê. La no do peynîya hêzanê tasfîyekeran ê Başûrî bîyaro.''

Peynîya şewe de deyîrbaza fransize Eleonore Fourniau b kurdî û tirkî deyîrê xo vatî.