Sîyasetmedaro kurd û Mehmet Çakas serrêke ra nata bajarê Hannoverî yê Almanya de tepişte yo. Mehmet Çakaso ke Çewlîgî ra yo xebatanê xo yê sîyasîyan ra bi waştişê Almanya Îtalya de kanûna 2022yî de  tepişîyabi û dima adara 2023yî de  teslîmê Almanya amebi kerdene. Mehmet Çakas êlula 2023yî ra nata Celle de madeyê 129/byî ra yeno muhakemekerdene.

Mehkemeya Çakasî  ke 8 aşmî yo dewam kena 10ê nîsane de (siba) do qerar bêro eşkerakerdene. Verî ke mehkeme roja peyêne de qerar bido verê mehemeya Celle de do mîtîngê paştdayîşî bêro kerdene. Komîteya paştdayîşî semedê tewrbîyayîşê mîtîngî veng da.

Eşkerayîye de semedê Mehmet Çakasî û heme tepişteyanê sîyasîyan azadîye ameye waştene û ame vengdayene ke wa madeyê 129 a/byî bêro wedaritene û Kurdîstan de şer bêro vindarnayene.

Komunê Ciwanan ê Enternasyonalîstan ê Hannoverî û Women Defend Rojava 10ê nîsane de roja çarşeme saete 9.30 verê mehkemeye Celle de mîtîngê paştdayîşê organîze kerd. Komîte  semedê tewrbîyayîşî veng da û vat: 

Dozgere Mehmet Çakasî rê 3 serrî û 8 aşme ceza waşte û avûkatê ci zî beraatê ey wazenê. Mehmet Çakasî pawitişê xo yê 3ê nîsane de vat: ''Sey bi mîlyonan kurdan ê masûman ez zî pê terorîzmî yena sûcdarkerdene. Çunke Têgêrayîşê Kurdan rîyê ehleqî û huqûqî ra nê, rîyê sebebanê ekonomîk-polîtîkan ra sey têrorî yeno pênaskerdene.''

Hannoverî ra do xeylêk kesî bi trenî şirê.  Kesê ke Hannoverî ra şinê do saete 8.30 de vagonê 8. de bêrê têhet.

Mehmet Çakasî rê mektûb binuse:
Mehmet Çakas
Schulenburger Landstr. 145
30165 Hannover

Semedê paştdayîşê tepişteyanê sîyasîyan paştî bidê Azadî e.V.: IBAN: DE80 4306 0967 8035 7826 00