Wekîlanê Parlamentoyê Ewropa Nikolaj Villumsen, Idoia Villanueva Ruiz, Miguel Urbân Crespo, Malin Bjork, François Alfonsi, Costas Mavrides Fabio Massimo Castaldoyî derheqê weçînitişanê sibayî de qisey kerd ke do Vakurê Kurdîstanî û Tirkîya de bêrê kerdene.

Nikolaj Willumsen, “Erdogan şaranê Tirkîya rê zext keno û kam ke vera neheqîye vengê xovejeno, tepişneno erzeno zîndan. Ez hêvî kena ke şarê Tirkîya semedê ameyoxê xo raya xo biuxulnê. Tersê ma oyo ke Erdogan seba ke vîn mekero reyna kayanê xo yê leyminan bifîno dewre. Têna şarê Tirkîya yê cesûrî eşkenê Erdoganî vindarnê. Ez paştî dana Partîya Çep a Keske.” 

Idoia Villanueva, “No weçînitiş semedê demokrasîyê Tirkîya zaf muhîm o. Ma paştî danê Partîya Çep a Keske. Gerek her kes  semedê ameyoxê xo raya xo bişuxulno.”

François Alfonsi, “ Gerek weçînitiş de şarî raya xo bidê înanê ke haştîye û demokrasî wazenê. Ez paştî dana Partîya Çep a Keske. Xeyrê na partî do demokrasî bêro Tirkîya. Ma semedê rewşa Rayberê Şarê Kurdî Abdullah Ocalanî qerqilîyenê. Ez hêvî kena ke hukmato newe azadîya Ocalanî  sey rojdemê twr giran bigîro rojdemê xo.” 

Miguel Urbán Crespo, “ Gerek nê weçînitişî de Erdogan bidîyo war û rejîmê ci yo otorîter biqedîyo. Erdogan seba ke rejîmê ci payra bimano tim muracatê şerî keno. Coka kam ke haştîye wazeno gerek raya xo bido Partîya Çep a Keske.”