Aktîvîsto kurd Serhat Gultekînî 2017 de Fransa rê muracatê îltîca kerdbi û çeleyê 2023yî ra nata her roje îmza dayêne. Gultekîn 10ê nîsane de wextê îmzadayîşî de hetê polîsan ra ame destbendkerdene û teslîmê Tirkîya ame kerdene. Gultekîn perey Meydanê Teyarayan ê Îstanbulî de tepişîya û erşawîya Zîndanê Metrîsî.

Zereyê di hefteyan de di ciwanê kurdî yê bînî zî teslîmê Tirkîya bîyî. Bajarê Marsilya yê Fransa de semedê Serhat Gultenkî çalakîye ameye kerdene.

Hemserekê Meclîsê Komelê Demokratîkî yê Kurdan ê Marsilya Enes Karliovayî vat: ''Kurdan vera barbaranê DAÎŞî şer kerd û merdimîye xelsina. Ewro Fransa ciwananê kurdan teslîmê şefê barbaran kena. Demokrasîya şima ha ça de?

Eşkerayîya bi nameyê dezgehanê fransizan de zî wina ame vatene: Tirkîya kurdan kişena û DAÎŞî reyde xebityena. Şima senî eşkenê ciwananê kurdan ê qehremanan teslîmê na dewlete bikerî?

Vervatoxa Tekîlîyanê Teberî Salih Xinûsî zî nêrazîbîyayîşê xo wina ard ziwan: ''Şima paştî danê şarê qedîmî yo ke hende bedelî dayî, ya zî paştî danê şefê DAÎŞî Erdoganî?