Komêka avûkat û akademîsyenan vera Serekkomarê Fransa Emmanuel Macrono ke hemwelatîyê xo yê endamê DAÎŞî kampanê Rojawanî ra nêgirewtî, dosyayêke dîyaye Mehkemeya Ceza ya Mîyanneteweyî.
Serekkomarê Fransa 2019î ra nata red keno ke cinî û domanê DAÎŞijê ke kampanê Rojawanî de manenê bigêrê û bivehê verê edaletî.
Goreyê rojnametê Liberationî komêka avûkat û akademîsyenan vera Serekkomarê Fransa Emmanuel Macrono ke hemwelatîyê xo yê endamê DAÎŞî kampanê Rojawanî ra nêgirewtî, dosyayêke dîyaye Mehkemeya Ceza ya Mîyanneteweyî (MCM).
Dosyaya muracatî 50 rîpelan ra yena meydan û hetê avûkatan Marie Dose, Ludovic Riviere û Gerard Tcholakian û akademîsyen Camillie Cressent û Augustine Atry ra ameye amadekerdene.
Dose pare kerd ke rixmo ke Rojawan seba girewtişê hemwelatîyan veng dano Macron nêwazeno înan bigêro û muhakeme bikero.
