Semra Guzel ra mesaj: Qerar sîyasî yo, ma do ser bikewê!
Wekîla HDPyî ya Amedî Semra Guzel zîndanî ra mesaj şawit û vat: ''No qerar sîyasî yo. No proses bi temamî bêhuqûqî yo. La bizanê ke ma do ser bikewê. Hêvî, cinî û şarî do ser bikewê.''
Wekîla HDPyî ya Amedî 1ê adare de heqê ci yê destpanêdayîşî amebi wedaritene, 2ê êlule de zî Îstanbul de amebî destbendkerdene û vizêr 3ê êlule de tepişîyaye.
Semra Guzel zîndanî ra pê avûkatê/a xo mesajêk şawit.
Mesaj wina yo: ''Her kesî rê merheba, verî vaja ke ez hol a çunke ez heqdar a, ma heqdar ê. Ma pêroyînan no proses nêzdî ra teqîb kerd, proses bi temamî bêhuqûqî ya. Qerar bi temamî sîyasî bi. La bizanê ke ma do ser bikewê, hêvî do ser bikewa, cinîyî do ser bikewê, şarî do ser bikewê. Ez şima pêroyînan ra hes kena û şima selam kena...''
