Weçînayîşanê 14ê gulane rê saetî mendî. Warê mîyanneteweyî ra semedê paştdayîşê Partîya Çep a Keske vengdayîşî dewam kenê. Endamê Konseya Dewlete yê Swîsre Senator Carlo Sommarugayî zî semedê paştdayîşê Çep a Keske veng da.

Qiseykerdişê  Senator Carlo Sommarugayî ra qismêko kilm wina yo: “IGerek 14ê gulane de Erdogan sahneyê sîyasetî ra bêro girewtene. Gerek her kes raya xo bido Partîa Çep a Keske û Kiliçdarogluyî. Weçînitişê 14ê gulane semedê tekîlîyanê mîyanneteweyî zî zaf muhîm ê. Tirkîya Iraq de huqûqê mîyanneteweyî binpay kerd, Sûrîye de vera kurdan pakîya etnîkî  û sûcê şerî kerd, paştî daye Azarbeycan ke herra Ermenîstanî îşxal kerd. Tirkîya ercanê demokrasîyî nas nêkena. Coka zaf muhîm o ke Tirkîya goreyê huqûqê mîyannteweyî têbigêro û hem zere de hem zî teber de agêro dînamîgê dîyalogî. Coka gerek rayî nêrê vilakerdene. Kam ke semedê bedilnayîşî jîhat o wa rayî bidîyê ci.  Têna kurdî nê gerek şarê Tirkîya yo averşîyayox zî raya xo bido Partîya Çep a Keske. Ez hêvî kena ke Partîya Çep a Keske zaf jîhat parlamento de cayê xo bîgêro û  Selahattîn Demîrtaş zî tede heme endamê HDPyî bêrê veradayene.”