Goreyê xebera Ajansê Mezopotamya Senatoro Partîya Komînîstî ya Fransa Pascal Savoldelliyî bala ante tecrîd Îmraliyî ser û semedê pêvînayîşê bi Rayberê Şarê Kurdî Abdullah Ocalanî Wezîrîya Edaletî ya Tirkîya rê mektub nuşt. Savoldelliyî bale ante pêkerdişanê mîyanneteweyî ser û waşt wa na babete de destûrê fermîyî yê ke hewce kenê bêrê dayene.

 Savoldelliyî vist vîrî ke Abdullah Ocalan çiwext ra binê tecrîdê giranî de yeno tepeiştene  û vat Abdullah Ocalan muzakereyanê haştîye yê mabênê hukmatê Tirkîya û kurdan de aktoro muhîm o. Mektub de ame vîrardene ke Abdullah Ocalanî wextê pêvînayîşanê haştîye de senî gamê muhîmî eştê û kerd ke dişmenîye biqêdîno. Savoldelliyî vat: ''Ez sey parlamentêrêkî wazena  pîya bi avûkatanê Abdullah Ocalanî ey dir pêvînayîş bikerî. No he pêkerdişanê  Tirkîya û Konseya Ewropa de est o. Bi nê rûhî ez wazena destûr bêro dayene ke ez Abdullah Ocalanî dir pêvînayîş bikerî.''