Bi vengdayîşê Dîvanê Hemserekîya ( KCDK-E ) û Tevgerê Cinîyanê Kurdî yê Ewropa (TJK-E) tewr tayî 9 welat, 20 bajaran de çalakîyê protesto ameyî viraştene.

Çalakîyan de komploya 9ê Teşrîna verêne polîtîkaya tecrîdî û bêvengîya hukmat û dezgeyanê Ewropa ameyî şermezerkerdene.

PARÎS: Peytextê Fransa Parîs de rayberîya CDK- F û TJK- Fyî de rayîrraşîyayîşêk û mîtîngêk ameyî viraştene. Çalakwanan bi slogananê ‘Erdogano qetilkar, Ewropaya hemkare‘ komplo û tecrîd şermezer kerdî.

LIEGE: Bajarê Liege ya Belçîka de zî rayberîya YJK-B û Nav- Belî de kurdîstanijî û dostê ci kuçeyan de bî. Çalawanan bêvengîya Ewropa rê hêrsê xo ard ziwan û azadîya Ocalanî waşt.

DARMSTADT: Bajarê Darstadtî yê Almanya de zî bi çalakîyêk tecrîd û komplo ameyî şermezarkerdene.

SAARBRUCKEN: Bajarê Saarbrukenî yê Almanya de zî bi eynî waştişî mîtîngêk ame  viraştene.

BREMEN: Bremen de zî  bi seyan kesî vejîyayî kuçeyan û seba azadîya Ocalanî qêrayî. Polîs waşt ke posteranê Ocalanî arêdo la şelîg destûr nêda û rixmê hêrişê polîsan peyser gam nêeşt.

ROMA: Peytextê Îtalya Roma de zî bi rayîrraşîyayîşêk tecrîd û komplo ameyî protestokerdene. Îtalyanê dostê kurdan zî tewrê çalakî biyî. Qiseykerdişan de dîqet ancîya muhîmîya rolê Ocalanî ser.

DEN HAAG:  Bajarê Den Haagî yê Hollanda de zî seba azadîya Ocalanî kurdî û hetê demokratî kuçeyan de bî. Polîtîkaya hêrişkar yê dewleta tirkî û paştîgerîyê Ewropa  ameyî şermezerkerdene.

STOCKHOLM: Peytextê Swedî Stockholmî de  komploya 9ê Teşrîna verêne ame şermezarkerdene û azadîya Ocalanî ameye waştene.

GAVLE: Bajarê Gavlê de zî rayberîya Cîwanên Azad de çalakîyêk ameye viraştene. Bi vilakerdişê bruşuran derheqê felsefeya Ocalanî û tecrîdî de zanayîş dîya.

MARSÎLYA : Bajarê Marsîlya ya Fransa de zî rayberîya Meclîsê Cinîyan yê Arîn Mirkanî de çalakîyêk ameye viraştene. Çalakî de ame vatene ke şarê kurdî  Ocalanî rê zaf çî deyndaro û şar wayîr rayberê xo vejîyeno.

FRANKFURT: Bajarê Frankfurtî yê Almanya de zî vera komplo û tecrîdî şarê kurdî û dostê înan kuçeyan de bî.Herêma Gissen û Mainz ra zî kurdîstanîjî tewrê çalakî bîyî.

HANNOVER: Bajarê Hannoverî yê Almanya de zî bi çalakîyêk tecrîd û komplo ameyî şermezarkerdene. Çalakwanan bi sloganan Ocalan rê herskerdiş û giredayîye  xo arde ziwan.

VÎYANA: Peytextê Avusturalya Vîyana de zî bi seyan kesî meydanan de polîtîkaya hêrişkar yê dewleta tirkî û bêvengîya Ewropa şermezar kerd.

BREGENZ: Bajarê Brengezî de zî kurdîstanijan vera komplo û tecrîdî hêrsê xo ard ziwan. Çalakwanan veng da dezgeyanê Ewropa û waşt ke wa wazîfeyê xo bîyarî ca.

BERN: Bajarê Swîsre Bern de zî rayberîya Meclîsê Cinîyan Mizgînî de çalakîyêk ameye viraştene.

DUSSELDORF: Bajarê Dusseldorfî yê Almanya de rayîrraşîyayîş û mîtîngêk ameyî viraştene. Bi seyan kesî tewrê bîyî û waşt ke wa tecrîd wedarîyo û Ocalan azad bo.

STUTTGART:Bajarê  Stuttgartî yê Almanya de zî bi eynî waştişî çalakîyêk ame  viraştene.