Wekîlê DEPî Mehmet Sîncar 4ê êla 193yî de Êlih de de bi şirîkîya Hîzbullah û dewlete amebi qetilkerdene. Roniştişê dewaya qetilkerdişî 31ê gulana 2023yî de yo. Avûkatê keyeyê Sîncarî Şaneşîn Aydinî ANFyî rê qala tewirê pawitişê kerdoxan û rewşa dewa kerde.

Aydinî ard ziwan ke Sîncar bi destê dewlete kişîyayo la dewa de teyna tetîkkeş Cîhan Yildizo ke endamê Hîzbullahî yo yeno muhakemekerdene. Aydinî da zanayene ke rixmo ke eleqeyê Mehmet Agar û Alaattîn Kanatî zî bi qetilkerdişê Sîncarî est o dewa de nameyê înan derbaz nêbenê. 

Şaneşîn Aydinî vat: ''Tetîkkeşê Sîncarî Hîzbullah o la Wezîrê Karanê Zereyê yê ê çaxî, walîyê ê çaxî, polîs, leşker û burokratê ê çaxî zî nê qetilkerdişî ra mesuldar ê. Keyeyî vera nînan zaf reyî dewa akerde. Susurlukî reyde zaf belgeyî zî eşkera bîyî. La nê kesî qetî nêameyî muhakemekerdene. Bêguman muhakemekerdişê Cîhan Yildizî girîng o la heta ke destê dewlete nê cînayetî de nêro muhakemekerdene edalet do nêro caardene.

Aydinî pare kerd ke beno ke 4ê êlula 2023yî de dewa bikewa war û vat: ''4ê êlule de eke dewa aver nêşora Cîhan Yildizî ra ber çew do nêro muhakemekerdene û bi nê hawayî dewa 'wextvîyartişî' ra bikewa war. Cîhan Yildiz 15ê tebaxa 2008î de Avusturya de tepişîya û teslîmê Tirkîya ame kerdene. Yildizî qetî sûcê xo qebul nêkerd û dima bi hawayêkê netepişteyî vera dîya. O êlihî ra bi rayîrê SEGBÎSî tewrê roniştişan beno. Teyna vera ci qedexeyê tebervejîyayîşî est o. Sey Yildizî zaf endamê Hîzbullahî wina vera dîyayî. Rixmê biranê Mehkemeya Heqanê Merdiman a Ewropa zî nê kiştoxan ceza nêgirewte û edalet ame binpaykerdene.''