Serekê baroyanê pêro Tirkîya vera vernîyazê qanûnî yê seba vurnayîşê sîstemê baroyan 3 rojan ra nata  ver bi Anqara şîyêne. Eskîşehîr de dekewtişê Anqara de polîsan serekî asteng kerdî. Polîsan nêverda ke endamê Baroyê Anqara pêşwazê serekanê baroyan bikerê. Avûkatan pê sloganê ''Pawitiş çin o edalet çin o'' astengîya polîsan protesto kerde.

Mabênê pol û serekanê baroyan de nîqa arbede vejîya û polîsan 6 serekê baroyan derb kerdî. Polîsan Serekê Buroyê Dîlokî Bektaş Şarkli derb kerd. Serekê Baroyê Aksarayî Evren Dînçer û Sereka Baroyê Trabzonî Sîbele Suîçmez rixmê pêro astengîyan zî bendê polîsan derbaz kerdî.

Serekanê baroyan astengîyan ra dima dest pê çalakîya roniştişî kerd. Îdare û avûkatanê Baroyê Anqara zî seba paştdayîşê serekan dest pê çalakîya roniştişî kerd.