Namzedê Şaredarîya Curnê Reşî yê DEM Partî weçînayîşanê 31ê adare de ser kewtbî. La îtîrazê AKPyî ser o bire dîyaye ke Curnê Reşî de weçînayîş newe ra bêro kerdene. Namzedê DEM Partî Serhan Paydaşî derheqê babete de ANFyî rê qisey kerd.

Paydaşî îfade kerd ke roja weçînayîşî qefilnayîşê sindoqan ra dima komanê AKPyî hêrişê înan kerdo û vat: ''Endamanê AKPyî di sindoqî dayî adirî ver. Rixmo ke ma zabitnameyî dabi Heyetê Weçînayîşî yê qeza, zabitnameyê ma nêameyî qebulkerdene. Coka bira newekerdişê weçînayîşî ameye dayene. Heyetê Weçînayîşî yê Berzî (YSK) zî bire rê paştî daye û îradeyê şarî xesp kerd. La ma do ancî Curnê Reşî de ser bikewê.''

Paydaşî ard ziwan ke şar bi xurtî wayîrê înan vejîyayo û vat: ''Şarî vera bira xespkerdişî rayraşîyayîşî kerdî û tewirê xo mojna. Weçînayîş newe ra bêro kerdene zî ma do di qat zêdeyêr rayan bigêrê û ser bikewê. Qet yew hêz hêzê şarî ra xurtêr nîyo. Îradeyê şarî ancî do ser bikewo.''