Kurdistanijê ke Erşov û Mîçurînskê pabesteyê Federasyonê Rûsya de ciwîyenê bi aktîvîteyan serragêrayîşê PKKyî yo 40. pîroz kerd. Aktîvîteyan de qerarê Amerîka yê derheqê 3 serkêşanê PKKyî de dabi ame prostestokerdene.

ERŞOV

Qezaya Erşovî ya pabesteya şaristanê Saratovî de hetê Otonomîya Kulturê Kurdan ra aktîvîteyêka pîrozkerdişê serragêrayîşê PKKyî amî organîzekerdene. Aktîvîteya ke salona transîte ya konserî de virazîyaye, bi rêzgirewtişê deqeyêk seba kesanê ke Mucadeleyê Azadîya Kurdistanî de cuya xo kerda vîndî dest pêkerde. Aktîvete de Cewad Mervanî, Nesrîn Muhammede, Kamuran Gasonov, Ehmet Bakî ve Dengbêj Kotê vejîyayî sehne.

MÎÇURÎNSK

Qezaya Mîçurînskî de ke pabesteya şaristanê Tamboyî ya hetê Meclîsê Şarî ra bi aktîvîteyêk serragêrayîşê PKKyî yo 40. ame pîrozkerdene. Aktîvîteya ke salona konserî ya Keyeyê Kulturî yê Mîçurînskî de amî viraştene bi rêzgirewtişî dest pêkerde û bi qiseykerdişanê derheqê muhîmîya roje de dewam kerde.

Sîyasetkaro kurd Adil Cotkarî yo ke aktîvîte de qisey kerd vat: “PKK umîdê azadîya şaranê bindestan o. Na yewe ra hêzê mîyanneteweyî seba tasfîyekerdişê PKKyî ancî kewtê viraştişê komployan dima. PKK têgêrayîşêkê şarî yo. Şaro kurd bi mucadeleyê xo na partîye rê wayîr vejîyayo.”

Aktîvîteye de Cewad Mervanî, Nesrîn Muhammede, Ahmet Ahmedov, Denîz Cavoyan, Bazo Mamedov û Cemalê Selîm û koroya domanan vejîyayî sehne.