2yê temmuza 1993yî de Sêwasî de Otêla Madimakî dîyabî adirî ver û tede 33 roşnvîr, nuştox û di zî xebatkarê otêle ameybî qetilkerdene. Serrgêra 30. ya Qirkerdişê Sêwasî de serkêşîya Komeleya Kulturî ya Pîr Sultan Abdalî (PSAKD) de merasîmê yadkerdişî ame kerdene. 

Destpêk de bi hezaran merdimî verê Şubeyê PSAKDyî yê Sêwasî de ameyî têhet û ver bi Otêla Madimakî çalakîya rayraşîyayîşî kerde. Verê Madimakî de girseyî seba qurbanan deqayêk rêz girewt û qeranfîlî nayî verê otêle.

Hemvervatoxa Partîya Çep a Keske Çîgdeme Kiliçgun Uçar tîya de qisey kerd û pare kerd ke Qirkerdişê Madimakî weşanê gandarî de qewimîyabi û vat: ''Ma sey Partîya Çep a Keske sey vizêrî ewro zî hetê têkoşînê elewîyan de yê. Ma vizêr zî vatbi ewro zî vanê; Qirkerdişê Madimakî sûcêkê vera merdimatîye yo. Ma do nêverdê ke dewaya nê qirkerdişî wextvîyartişî ra bikewa.''

Yadkerdişî bi wendişê metnê hemparî yê dezgehanê elewîyan û qiseykerdişan dewam kerd.