Sêrt û Cizîre de 14ê kesê ke çarçewaya operasyonê qirkerdişê sîyasîyî de amebî destbendkerdene, ameyî tepiştene.

Dewleta tirke ya îşxalkere 28ê teşrîna verêne de Wareyê Çemêrkarê yê herêma Herekolî ya Sêrtî de operasyonê îmhayî da destpêkerdene û badê operasyonî 24 kesî destbend kerdî. Nînan ra 10 kesî ameyî tepiştene.

HPGyij Ilhan Tekinalp û Recep Kipkaç bi îdîaya ''endamîya rêxistene'' û dewijî Geliye Yilmaz, Mehmet Salih Taşçi, Reber Taşçi, Haci Taşçi, Davut Taşçi, Delil Taşç, Metin Taşç, Hamit Eşlik zî bi îdîaya ''hetkarîye'' ameyî tepişene. 14 kesê bînî serbest ameyî veradayene.

Qezaya Cizîre ya Şirnexî de zî 30ê teşrîna verêne de sereştişê keyeyan de Abdulkerim Uzen, Welat Karagoz, Renas Duymak  û Serdar Çaginni musayene ameyî destbendkerdene. Yusuf Kaplan zî Dîlok de nêweşxane de ame destbendkerdene. Abdulkerdim Uzen badê îfadeyî ame veradayene û çar kesê bînî ameyî tepiştene.