Qezaya Cizîre ya Şirnexî saetanê serê sibayî operasyonê qirkerdişê sîyasîyî ame kerdene. Sereştişê keyeyan de  Abdulkerim Uzen, Welat Karagoz, Renas Duymak û keso ke nameyê ci nêame musayene ameyî destbendkerdene. 5 kesê ke sebebê destbendkerdişê înan nîno zanayene badê kontrolê weşîye ameyî berdene Mudirîya Polîsan a Şirnakî.

Yusuf Kaplan zî Dîlok de ame destbendkerdene ke semedê tedewa şibi ûca. Dîya zanayene ke Kaplan do bêro ardene Şirnexî. 

Ame eşnawitene ke kesê ke ameyî destbendkedene ameyî derbkerdene. Lewê  Abdulkerim Uzenî rîyê derbkerdişî ra qelişîya û nêweşxane de encî erzîyayî ci.

Babîyê Uzenî, Orhan Uzenî  vat wextê cigêrayîşê keyeyî de polîsan çeke darte înan. Orhan Uzenî vat: ''Saetanê serê sibîyî polîsan bi çar panzeran eşt keyeyê ma ser, çar kesan gajna lajê mi û da piro. Bi çeke da rîyê ey ro. Seba ke ma vera înan vejîyayî hêrişê ma zî kerd. Mi ermeyê xo ra darbe girewte. Lajê mi da dêsî ro. Lewê lajê mi ra gonî ameye. Lewê ci teqa. Kincê lajê mi ci serê ci de dirnayî û o zit berd nêweşxane. Ma dima kincê ci berdî la nêverda ma bidê ci.''