Wekîlê Parlementoya Ewropa û Raportorê Tirkîya Nacho S. Amor, Koma Çepe û Averwazanê Mîyanneteweyîyan û Wekîlê Averwazan ê Mîyanneteweyîyan David Adlerî vera dewaya qefilnayîşê HDPyî nêrazîbîyayîşê xo mojna.

Wekîlê Parlementoya Ewropa û Raportorê Tirkîya Nacho S. Amor: ''Vera demokrasî û pirrengîye derbêka bîne. Selahîyetdarê tirkî eke HDP qedexe bikerê vanê qey Ewropa de derheqê înan de rojdemêko pozîtîf do biqewimîyo.''

Koma Çepe: ''Seba demokrasîya Tirkîya rojêka reşe. Ganî Yewîya Ewropa vera na teda qisey bikera.''

Averwazê Mîyanneteweyî- Progressive International: ''Seba demokrasîya Tirkîya saetanê tewr tarîyan dest pêkerd.''

David Adler: ''Rejîmê Erdoganî seba ke HDPyî çin nêkero seba ke huqûq bêro pawitene 60 rojî mendî. Na rewşêka lezabez a.''

Steve Sweeney: ''Hêrişê vera HDPyî vera demokrasî û îradeyê sîyasîyî derbêka pîl a. Ma zêdêr bêveng nêmanê. Hêrişê vera HDPyî Şerê Dinya ra nata hêrişê tewr pîlî yê vera qanûnî temsîl keno.''