Merkezê Pêroyî yê Partîya Demokratîke ya Şaran (HDP) da pêhesnayene ke sîyasetmedarê ke 25ê êlule de çarçewa 'cipersayîşê Kobanê' de ameyî destbenkedene werdî ra pê jehrî kewtî û ameyî berdene nêweşxane û destur nêdîyeno ke avûkatî înan vînî. Naye ser o xeylêk patiyîjî şiyî verê Mudirîya Asayîşî.

Parlamenterî Hîşyar Ozsoy, Nûrane Îmîr, Fîlîze Kerestecîoglu, Huseyîn Kaçmaz û Erdal Aydemîrî zî tede pawitişê partîyîjan netîce girewt. Hetkarê Hemserekanê HDPyî û avûkat Umît Dede sîyasetmedaranê destbendkerdeyan de pêvînayîş kerd.

Dedeyî Ajansê Xeberan Mezopotamya rê qisey kerd ad ziwan ke ê Ayla Akat Ata, Sirri Sureyya û Ayhan Bîlgenî de pêvînayîş kerd û vat: ''Ayhan Bîlgen ame berdene nêweşxane û serûm dîya ci. Gonîya ey de enfeksîyon ame dîyene û ci rê derman ame nuştene. Rewşa ci hol a, ma serê sibayî dermanê ci benê. Ayla Akat Ata zî nêweş kewt la seba ke rewşa ci zaf xidar nêbîya a nêameye berdene nêweşxane. Endemê Heyetê Rayberdişî yê Merkezê HDPyî yê verênî Can Memîş û Îsmaîl Şengul hema nêweşxane de yê. Yeno texmînkerdene ke sîyasetmedarî rîyê xida ra pê jehrî kewtî. Xora avûkatnê ke zere roje muvekîlê xo dîyî vat hemeyan vato ke werdo xirab dîyayo înan. Birêz Ayhanî wird embazê bînî nêweşxane de dîye vat rewşa înan zî hol a. Bîlgen û Ata kam kê înan meraq keno rê selamî şawtiş.''