Solothurn de tecrîd ame protestokerdene
Bajarê Solothurnî yê Swîsre de tecrîdo girankerde ke Rayberê Şarê Kurdî Abdullah Ocalanî ser o yeno domnayene ame protestokerdene.
Bajarê Solothurnî yê Swîsre de tecrîdo girankerde ke Rayberê Şarê Kurdî Abdullah Ocalanî ser o yeno domnayene ame protestokerdene.
Tecrîdo girankerde ke Rayberê Şarê Kurdî Abdullah Ocalanî ser o yeno domnayene, bajarê Solothurnî yê Swîsre de bi mîtîngêk ame protestokerdene.
Rayberîya Yewîya Ciwanên Şorişgêrî (YCS) de xeylî kurdistanijî û dostî ameyî têhet û tecrîd protesto kerd.
Çalakî de alayê PKK, YPG, YPJ, TJK-E û Ciwanên Azadî û posterê Ocalanî ameyî kiriştene.
Çalakwanan bi vilawekan derheqê felsefeya Ocalanî û tecrîdî de zanayîş da û waşt ke wa tecrîd bêro wedartene.
Çalakwanan seba çalakîya merkezî yê Swîsre ke 20 Têşrîna verêne de Bern de do bêro viraştene veng û vat ke ê do heta azadîya Ocalanî çalakîyanê xo bidomnî.