Wezîrê Karanê Zereyî Suleyman Soyluyî îtîraf kerd ke ey bi fermanê Erdoganî 2016 de 96 şaredarîyê DBPyî û 2019 de zî 65 şaredarîyê HDPyî xesp kerdê. 

Soyluyî aktîvîteyêka Gazîosmanpaşayî ya Îstanbulî de qiseykerdişê xo de wina xesp îtîraf kerd: ''Ez bîya wezîrê karanê zereyî. Serekkomarê ma rojêke venga mi da û vat 'Suleyman ez pê şaredarîyanê HDPyî qayîl nîya. Ti cade nînan erkî ra bigêre. Mi cara no waştêne, Erdoganî zî ferman da. Di rojan ra pey, saete 08.00 de mi pê operasyonêkî nê pêroyî erkî ra girewtî.''