Goreyê zanayîşanê ke ameyî destfînayene, qezayanê Gazîosmanpaşa û Eyupî yê Stenbolî de peynîya menga Sibate de hemverê di komeleyan de çalakîyî ameyî viraştene.

Komê bi nameyê “Tîmê Qesasî yê Ş. Xebatkar û Ş. Arjîn” û “Tîmê Qesasî yê Ş. Îslam û Ş. Roza” mesuldarîya çalakîyan girewte xo ser.

Her di koman bi eşkerayîyêka nûştekîye da zanayene ke faşîstan bi rayîrê nê komeleyan kerdo ke sazîyanê demokratîkan bikerê hedef û seba naye qey hîşyarkerdişî çalakîyî ameyê viraştene.

Goreyê eşkerayîye, 26’ê Sibate de guleyî nîyayê komeleya “Trabzonlular” ra ke mehlaya Karadenîzî yê qezaya Gazîosmanpaşayî de ya. Wextê çalakîye de komele veng bîya.

Ame zanayene çalakîya dîyine zî 28’ê Sibate de seba hîşyarkerdişî guleyî nîyayê komeleya “Gîresunlular” ra ke mehleya Yeşîlpinar a ke qezaya Eyupî de ya. Ame vatene, wextê çalakîye de komele veng bîya.