Mehlaya Mustafa Kemal a qezaya Ataşehîrî ya Stenbolî de polîsan waşt ke Cadeyê 3007î de wesayîtêk ke guman ci ra kerdêne vindarnê. Seba ke wesayîtî goş nêda hîşyarkerdişê "vindere" yê polîsan, hetê polîsan ra guleyî pawanîyayî bi wesayîtî. Netîceyê gulevaranî de Cîhan Seyhanî yê 17 serrî cuya xo vîndî kerde.      

Ame zanayene ke A.S.yo ke heman wesayîtî de bi ame destbendkerdene, şofur G.S bi peyatî cayê qewimîyayîşî ra kewt dûrî.

Mabênê merdimanê Cîhan Seyhanî ke şîbî nêweşxane û polîsan de tengîzîyayîş virazîya. Cenazeya Seyhanî seba karanê otopsî şirawîya Sazîya Tibê Edlî yê Yenîbosna.