Stenbolê de Şaredarîya AKPyî camîyêk rijna

Şaredarîya AKPyî yê Uskudarî mehlaya Kîrazlitepe de rixmê peroyê xoverdayîşê şarî Camîyê Esentepe rijna.

Qezaya Uskudarî yê Stenbolî de Şaredarîya AKPyî ke seba rantê xo herçî kena, Mehleya Kîrazlitepe de Camîya Esentepe rijna. Hemwelatijê ke seba vernîya rijnayîşî girewtişe camî de nobete tepiştêne ê zî hetê ekîbanê şaredarîye ra darb bîye.

Hemwelatijî ke vejîyayî kuçeyan û vera rijnayîşî reaksîon nîşan da, bi gazê îsotî, guleyê plasîtîk û awa tazîkin ci rê hêriş bi. Xeylê kesî zî ameyî tepiştene.

KAYA: Ê KE ROJE EDEBÎYATÊ CAMÎYAN KENÎ ŞEWE ZÎ CAMÎYAN RIJNENÎ!

Parlamentera HDPyî Huda Kaya ke qewimîyayîşî ra dima ca de şîye Mehlaya Kîrazlitepe, hukmatê AKPyî rê hêrsê xo arde ziwan û va:‘‘ Ê ke roje edebîyatê camîyan kenî, şewe zî camîyan rijnenî.‘‘

Hemwelatijan dîyar kerde ke bi sebebo ke înan rey daye AKPyî nika herre û wele kenî xo ser ro û ê ewra ra tepiya vera zilmê îqtîdarî de bêveng nêmanenî. Ronoştoxanê mehlayê hukmatî rê hêrsê xo wina arde ziwan ‘‘Amîrê polîsan îdîa keno ke ‘ ma kerreyî eştî polîsan‘ Şima çi pawene? Şima yenî ban û camîyanê ma rijnene, ma şima bi vilikan peşwazî bikere?‘‘