Stockholm de çalakîya paştdayîşê Rojawanî
Paytextê Swedî Stockholm de bi wesîleya 1ê Teşrîna peyêne Roja Kobanê ya Dinya çalakîyêk ameye viraştene.
Paytextê Swedî Stockholm de bi wesîleya 1ê Teşrîna peyêne Roja Kobanê ya Dinya çalakîyêk ameye viraştene.
Çalakî hetê Komîteyanê Rojawanî, Rexistina Ciwanan a Partîya Çepî, Rêxistina Merkezî ya Karkeran a Swedî (SAC) Yewîya Cinîyan a Sara ra ameye organîzekerdene.
Qiseykerdişan de ame vatene ke mîmarê xoverdayîşê Rojawanî Rayberê Şarê Kurdî Abdullah Ocalan o û nê semedî ra paştdayîşê Rojawanî paştdayîşê Ocalanî yo.
Çalakwanan vera hêrişanê dewletata tirkî ya îşxalkare yê vera Rojawan û tecrîdê Îmralî hêrsê xo ard ziwan û welatanê Ewropa ra waşt ke hemverê nê hêrîşan de bêveng memanî.
Qiseykerdişan ra dima bi seyan çalakwanî bi slogananê ‘‘Bicuyo xoverdayîşê Rojawanî‘‘, ‘‘Ocalanî rê azadîye, Kurdîstanî rê aşîtî‘‘ û ‘‘ Erdogano qetilkar‘‘î rayîrraşîyayîşêk viraşt û bale ante polîtîkaya hêrişkare ya dewleta tirkî ser.