KCDK-Eyî bi eşkerayîyêk da zanayene ke vera tecrîdê serê Rayberê Şarê Kurdî Abdullah Ocalanî 17ê Kanûne (siba) Strasbourg de, do grevê vêşanîye yê bêdem-bêagêrayîşî bêro destpêkerdene.

KCDK- Eyî vist vîrî ke tecrîd çend şino xorî beno û va: ‘‘Tecrîdî ya pîya Kurdistan de qirkerdişî û Tirkîye de zî binlingkerdişê heqan zafêr benî. Tirkîye bêvengîya Komîteya Vernîgirewtişê Îşkenceyan (CPT) û dezgeyanê bînan ê mîyanneteweyîyan ra zî paşt gêna. Welat açarnayo zîndanê akerdeyî. Muxalîf û êyê ke vera sîstemê nînan ê heme zîndanan de ameyî cakerdene.

KCDK- Eyî grevê vêşanîye yo ke parlamentera HDPyî Leyla Guvene  dayo despêkerdene û ewro kewto roja 39ine silam kerd û vat: ‘‘Heme zîndanan de welat û teberê welatî de grevê vêşanîye vila benî la hema CPTyî û dezgeyê bînî bêvêng ê. Hetê bînî ra dîktator Erdogan vera Rojawan hêrişê xo zêdîneno û hêrişê ke 13ê Kanûne de hemverê Mexmûr û Şengalî de ameyî viraştene, nê zî pabesteyê naye. Coka ma semedê girdkerdişê xoverdayîşê hemverê tecrîdî  bi 18 tenan dest bi grevê vêşanîye yê bêdem-bêagêrayîşî kenî. Ma sey KCDK-Eyî sere de şarê xo yê Başûrê Almanya û Swîsre heme şarê xo yê welatperwerî  û hetanê demokratan ra wazenê ke wa tewrê çalakîya ma ya ke saet 13:00  ê  17ê Kanûne  de verê CPT de do bi kombîyayîşê çapemenîye bêro destpêkerdene, bibî.‘‘