Bajarê Strasbourgî yê Fransa de verê Konseya Ewropa de semedê azadîya Ocalanî 15 tenan ra grevê vêşanîye yê bêdem-bêagêrayîşî ame destpêkerdene.

Sîyasetmedaro kurd Mustafa Sarikaya, parlementera verêne ya HDPyî ya Riha Dîlek Oclane, rojnamegere Gulîstan Çîya Îke û hemserekê KCDK-Eyî Yuksel Koç zî çalakîye de ca gênî.

Çalakwanan bi eşkerayîyêk  derheqê  çalakîya xo de zanayîş da. Çalakwanan vat ke ma  sey grûbêk binê nameyê ‘‘Însîyatîfê  Ocalanî rê azadîye‘‘ semedê wedartişê tecrîdê serê Rayberê Şaranê Rojakewtana mîyanêne û dostê şaranê bindestan Abdullah Ocalanî dest bi grevê vêşanîyê yê bêdem-bêagêrayîşî kenî.‘‘

Çalakwanan veng da Konsey û  Parlamentoya Ewropa û CPTyî û va:‘‘ Hîrê serî yo Rayber Apoyî sero tecrîd giran esto. No çîyêko ne polîtîk, ne merdimî û ne zî ehleqî yo. Dewleta tirkî bêvêngîya Ewropa ra paştî gêna û kurdan rê hêrişanê xo zafêr kena. CPT ganî mîsyonê xo bica bîyaro û vera tecrîdî tê bigero. Ma semedê wedartişê tecrîdî  û vindarnayişê hêrişanê serê  Kurdan dest bi çalakîye kenî û çalakîya ma do heta  bicaardişê waştişanê ma dewam bikero.‘‘

Nameyê çalakwanan wina yê:

Dîlek Ocalane, Gulîstan Çîya Îke, Denîz Rojbîne, Nurgul Başarane, Ramazan İmir, Mehmet Nimet Sevîm, Mustafa Sarikaya, Mohamad Ghaderi, Deniz Surgut, Ayvaz Ece, Yuksel Koç, Kadro Bokanî, Kerem Solhan, Agît Ural û Ekrem Yapici.